2025లో ఖరీఫ్‌ సాగు విస్తీర్ణం 6.51 లక్షల హెక్టార్ల మేర పెరిగినట్లు కేంద్ర వ్యవసాయ శాఖ అక్టోబరు 6న వెల్లడించింది. 2024లో దేశవ్యాప్తంగా 1,114.95 లక్షల హెక్టార్లలో పంటలు సాగు కాగా.. ఈసారి అది 1,121.46 లక్షల హెక్టార్లకు పెరిగినట్లు తెలిపింది. వరిసాగు విస్తీర్ణం 5.90 లక్షల హెక్టార్లు, పప్పుధాన్యాల సాగు విస్తీర్ణం 1.37 లక్షల హెక్టార్లు, చిరుధాన్యాల సాగు విస్తీర్ణం 11.13 లక్షల హెక్టార్లు, చెరకు సాగు విస్తీర్ణం 1.86 లక్షల హెక్టార్ల మేర పెరిగినట్లు వెల్లడించింది.
తూర్పు నావికాదళ ఫ్లాగ్‌ ఆఫీసర్‌ కమాండింగ్‌-ఇన్‌-చీఫ్‌ వైస్‌అడ్మిరల్‌ రాజేష్‌ పెంథార్కర్‌ 2025, అక్టోబరు 6న ఐఎన్‌ఎస్‌ ఆండ్రోత్‌ను విశాఖపట్నం నేవల్‌ డాక్‌యార్డు వద్ద ప్రారంభించారు. కోల్‌కతాలోని జీఆర్‌ఎస్‌ఈ సంస్థ పూర్తి దేశీయ పరిజ్ఞానంతో దీన్ని నిర్మించింది. శత్రుదేశాల జలాంతర్గాములను పసిగట్టి వాటిని నాశనం చేయడం దీని ప్రత్యేకత.
ఫ్రాన్స్‌ కొత్త ప్రధాని సెబాస్టియన్‌ లెకొర్ను 2025, అక్టోబరు 6న తన పదవికి రాజీనామా చేశారు. సెప్టెంబరు 9న పదవిని చేపట్టిన నెలలోపే లెకొర్ను అధికారం నుంచి దిగిపోయారు. సెబాస్టియన్‌ నియమించిన క్యాబినెట్‌పై విమర్శలు రావడంతో ఆయన రాజీనామా చేశారు. ఫ్రాన్స్‌ అధ్యక్షుడు ఇమ్మాన్యుయేల్‌ మెక్రాన్‌కు అత్యంత సన్నిహితుడిగా సెబాస్టియన్‌కు పేరుంది. మెక్రాన్‌ ఈ రాజీనామాను ఆమోదించారని అధ్యక్ష కార్యాలయం తెలిపింది.
భారత సంతతి యువతి గ్రేస్‌ ఓమైలీ కుమార్‌ (19)కి మరణానంతరం బ్రిటిష్‌ ప్రభుత్వం ద్వితీయ అత్యున్నత పౌర పురస్కారం జార్జ్‌ మెడల్‌ను ప్రకటించింది. రెండేళ్ల క్రితం నాటింగ్‌హాంలో స్నేహితురాలిని కాపాడే ప్రయత్నంలో కత్తిపోట్లకు గురై ఆమె ప్రాణాలు కోల్పోయారు. 2023 జూన్‌ 13న గ్రేస్‌ తన స్నేహితురాలు బానబీ వెబర్‌తో కలిసి ఇంటికి తిరిగి వస్తున్నప్పుడు దాడి జరిగింది. వాల్డో కైలోకేన్‌ అనే వ్యక్తి వెబర్‌పై వెనకనుంచి కత్తితో దాడిచేయగా, గ్రేస్‌ ధైర్య సాహసాలతో అతణ్ని అడ్డుకునేందుకు ప్రయత్నించింది. దాడిలో స్నేహితులిద్దరూ ప్రాణాలు కోల్పోయారు.
మానవ రోగ నిరోధక వ్యవస్థ పనితీరును మెరుగ్గా అర్థం చేసుకునేందుకు దోహదపడే కీలక విషయాలను వెలుగులోకి తీసుకొచ్చిన పరిశోధక త్రయం- మేరీ ఇ బ్రంకో, ఫ్రెడ్‌ రామ్స్డెల్, డాక్టర్‌ షిమోన్‌ సకగుచిలను వైద్యరంగంలో 2025 ఏడాదికి నోబెల్‌ పురస్కారం దక్కింది. నోబెల్‌ ఎంపిక కమిటీ 2025, అక్టోబరు 6న స్వీడన్‌ రాజధాని స్టాక్‌హోమ్‌లో ఈ అవార్డును ప్రకటించింది. ప్రధానంగా ‘పరధీయ రోగనిరోధక శక్తి (పెరిఫెరల్‌ ఇమ్యూన్‌ టాలరెన్స్‌)కి సంబంధించి వీరి ఆవిష్కరణలు.. ఆటోఇమ్యూన్‌ వ్యాధులు, క్యాన్సర్లకు సరికొత్త చికిత్సలను అభివృద్ధి చేసే దిశగా బాటలు పరిచాయంటూ నోబెల్‌ కమిటీ ప్రశంసించింది. ఈ పరిశోధక త్రయం 2025, డిసెంబరు 10న జరిగే వేడుకలో నోబెల్‌ అందుకుంటుంది. 12 లక్షల డాలర్ల నగదు బహుమతిని పంచుకుంటుంది. బ్రంకో (64), రామ్స్డెల్ (64) అమెరికా పౌరులు. బ్రంకో ప్రస్తుతం సియాటిల్‌లోని ఇన్స్టిట్యూట్ ఫర్‌ సిస్టమ్స్‌ బయాలజీలో సీనియర్‌ ప్రోగ్రామ్‌ మేనేజర్‌గా పనిచేస్తున్నారు. రామ్స్డెల్ శాన్‌ఫ్రాన్సిస్కోలోని సొనోమా బయోథెరపాటిక్స్‌లో శాస్త్రీయ సలహాదారుగా ఉన్నారు. సకగుచి (74) జపాన్‌ శాస్త్రవేత్త. ఆయన ఒసాకాలోని ఇమ్యూనాలజీ ఫ్రాంటియర్‌ రీసెర్చ్‌ సెంటర్‌లో ప్రొఫెసర్‌.
ఫార్మాస్యూటికల్‌ కంపెనీ - హెటెరో సంస్థ హైదరాబాద్ జడ్చర్లలో ఎగ్జిక్యూటివ్‌ పోస్టుల భర్తీకి దరఖాస్తులు కోరుతోంది. వివరాలు: పోస్టు: ఎగ్జిక్యూటివ్‌ అర్హతలు/ నైపుణ్యాలు: అర్హతలు, కావల్సిన నైపుణ్యాలు, ఉద్యోగానుభవం తదితరాల కోసం అధికారిక వెబ్‌సైట్‌లో చూడగలరు. జాబ్ లొకేషన్: జడ్చర్ల, హైదరాబాద్. దరఖాస్తు విధానం: ఆన్లైన్ ద్వారా. చివరి తేదీ: 15.10.2025 Website:https://hetero.darwinbox.in/ms/candidatev2/main/careers/jobDetails/a68da09430f5ff
నేషనల్ ఇన్స్టిట్యూట్ ఆఫ్‌ టెక్నాలజీ రాయ్‌పూర్‌ (ఎన్‌ఐటీ) స్టూడెంట్ ఇంటర్న్‌షిప్ పోస్టుల భర్తీకీ ఇంటర్వ్యూలను నిర్వహిస్తోంది. వివరాలు: స్టూడెంట్ ఇంటర్న్‌షిప్ అర్హత: పోస్టులను అనుసరించి సంబంధిత విభాగంలో బీటెక్‌( 5వ సెమిస్టర్‌) లేదా బీటెక్‌లో ఉత్తీర్ణులై ఉండాలి. స్టైఫండ్‌: నెలకు రూ.5000. వ్యవధి: 2 నెలలు. దరఖాస్తు ప్రక్రియ: ఈమెయిల్ ద్వారా dmuchahary.ece@nitrr.ac.inకు పంపాలి. దరఖాస్తు చివరి తేదీ: 25-10-2025. ఇంటర్వ్యూ తేదీ: అక్టోబరు 29, 2025. Website:https://www.nitrr.ac.in/advertisement.php
బెంగళూరులోని విశ్వేశ్వరయ్య ఇండస్ట్రియల్ టెక్నలాజికల్ మ్యూజియం (వీఐటీఎం) ఒప్పంద ప్రాతిపదికన వివిధ విభాగాల్లో కింది ఉద్యోగాల భర్తీకి దరఖాస్తులను కోరుతోంది. మొత్తం పోస్టుల సంఖ్య: 12 వివరాలు: 1. ఎగ్జిబిషన్ అసిస్టెంట్ ఏ -01 2. టెక్నీషియన్ ఏ - 06 3. ఆఫీస్ అసిస్టెంట్ -05 అర్హత: పోస్టును అనుసరించి సంబంధిత విభాగంలో టెన్త్‌, ఐటీఐ, డిగ్రీలో ఉత్తీర్ణతతో పాటు ఉద్యోగానుభవం ఉండాలి. గరిష్ఠ వయోపరిమితి: 25 ఏళ్ల -35 ఏళ్లు మించకూడదు. దరఖాస్తు ప్రక్రియ: ఆన్లైన్ ద్వారా. ఎంపిక ప్రక్రియ: ఇంటర్వ్యూ ఆధారంగా. దరఖాస్తు ఫీజు: జనరల్ అభ్యర్థులకు రూ.885.ఎస్సీ,ఎస్టీ, మహిళా, పీడౠ్ల్యబీడీ అభ్యార్థులకు ఫీజు లేదు. దరఖాస్తు చివరి తేదీ: అక్టోబరు 20, 2025. Website:https://www.vismuseum.gov.in/recruitment.php
ఆంధ్రప్రదేశ్ రాష్ట్రం, విశాఖపట్నం జిల్లాలోని మహిళాభివృద్ధి శిశు సంక్షేమ, సాధికారత కార్యాలయం ఐ.సి.డి.ఎస్. ప్రాజెక్ట్‌ పరిధిలో తాత్కాలిక ప్రాతిపదికన అంగన్యాడీ హెల్పర్ ఉద్యోగాల భర్తీకి దరఖాస్తులను కొరుతోంది. మొత్తం పోస్టుల సంఖ్య: 53 వివరాలు: అంగన్వాడీ హెల్పర్ డివిజన్ వారిగా ఖాళీలు: 1. భీమునిపట్నం: 11 2. పెందుర్తి: 21 3. విశాఖపట్నం: 21 అర్హత: అభ్యర్థులు తప్పని సరిగా 7వ తరగతిలో ఉత్తీర్ణులై ఉండాలి. వయోపరిమితి: 01.07.2025 నాటికి 21 ఏళ్ల - 35 ఏళ్ల మధ్య ఉండాలి.ఎస్సీ, ఎస్టీ అభ్యర్థులకు వయోపరిమితిలో సడలింపు ఉంటుంది. జీతం: నెలకు రూ.7000. ఎంపిక విధానం: రాత పరీక్ష ఇంర్వ్యూ ఆధారాంగా అభ్యర్థుల ఎంపిక ఉంటుంది. దరఖాస్తు విధానం: అర్హత గల మహిళా అభ్యర్థులు సంబంధిత శిశు అభివృద్ధి పధకపు అధికారి కార్యాలయంకు ఆఫ్‌లైన్‌ లేదా నేరుగా దరఖాస్తు చివరి తేదీ నాటికి పంపించాలి. దరఖాస్తు చివరి తేదీ: 14 -10-2025. Website:https://visakhapatnam.ap.gov.in/documents/
Hetero, a pharmaceutical company is inviting applications for the filling of Executive posts in Jadcharla, Hyderabad. Details: Post: Executive Qualifications/ Skills: Qualifications, required skills, work experience, etc. can be seen on the official website. Job Location: Jadcharla, Hyderabad. Application Procedure: Online. Last date: 15.10.2025 Website:https://hetero.darwinbox.in/ms/candidatev2/main/careers/jobDetails/a68da09430f5ff
Your account has been blocked from accessing the discussion forum.If you believe this is a mistake or wish to inquire further,please contact the support team.