దిత్వా తుపాను కారణంగా అతలాకుతలమైన శ్రీలంకకు భారత్ 45 కోట్ల డాలర్ల ఆర్థిక సాయం ప్రకటించింది. శ్రీలంక పునర్నిర్మాణానికి స్థిరమైన నిబద్ధతతో భారత్ ఉందని విదేశీ వ్యవహారాల శాఖ మంత్రి ఎస్.జైశంకర్ తెలిపారు. భారత ప్రధానమంత్రి మోదీ తరఫున ప్రత్యేక రాయబారిగా ఆయన శ్రీలంకకు వెళ్లారు. రోడ్లు, రైలుమార్గాల పునరుద్ధరణకు.. ధ్వంసమైన ఇళ్ల పునర్నిర్మాణానికి.. వ్యవసాయ, ఆరోగ్య, విద్యా వ్యవస్థల మద్దతుకు ఈ ఆర్థికసాయం ఉపయోగపడుతుందని తెలిపారు.
దిల్లీ ఐఐటీ శాస్త్రవేత్తలు డెన్మార్క్, జర్మనీలకు చెందిన శాస్త్రవేత్తలతో కలిసి ‘ఆర్టిఫిషియల్లీ ఇంటెలిజెంట్ ల్యాబ్ అసిస్టెంట్’ (అయిలా) అనే సరికొత్త కృత్రిమ మేధ పరికరాన్ని రూపొందించారు. శాస్త్రవేత్తల మాదిరిగానే వైజ్ఞానిక ప్రయోగాలను నిర్వహించే సామర్థ్యం వీటికి ఉంటుంది. అతి సూక్ష్మస్థాయిలో పదార్థాలను విశ్లేషించే అటామిక్ ఫోర్స్ మైక్రోస్కోప్పై అయిలా సాయంతో పరిశోధన నిర్వహించారు.
తెలుగు రాష్ట్రాలకు చెందిన నలుగురు శాస్త్రవేత్తలు రాష్ట్రపతి ద్రౌపదీముర్ము నుంచి రాష్ట్రీయ విజ్ఞాన్ పురస్కార్-2025 అందుకున్నారు. 2025, డిసెంబరు 23న రాష్ట్రపతి భవన్లోని గణతంత్ర మండపంలో నిర్వహించిన కార్యక్రమంలో వీరు ఈ పురస్కారాలను స్వీకరించారు. ఇందులో నాగ్పుర్లోని సీఎస్ఐఆర్ నేషనల్ ఎన్విరాన్మెంటల్ ఇంజినీరింగ్ రీసెర్చ్ ఇన్స్టిట్యూట్ డైరెక్టర్గా సేవలందిస్తున్న ఎస్.వెంకటమోహన్, హైదరాబాద్లోని సెంటర్ ఫర్ సెల్యులర్ అండ్ మాలిక్యులర్ బయాలజీలో సీఎస్ఐఆర్ భట్నాగర్ ఫెలోగా సేవలందిస్తున్న కుమారస్వామి తంగరాజ్లు విజ్ఞాన్శ్రీ పురస్కారాలు అందుకున్నారు. దిల్లీలోని బీఆర్ఐసీ- నేషనల్ ఇన్స్టిట్యూట్ ఆఫ్ ప్లాంట్ జీనోం రీసెర్చ్లో స్టాఫ్ సైంటిస్ట్గా సేవలందిస్తున్న జగదీష్ గుప్త కాపుగంటి, హైదరాబాద్లోని ఐసీఏఆర్-ఇండియన్ ఇన్స్టిట్యూట్ ఆఫ్ రైస్ రీసెర్చ్లో సీనియర్ సైంటిస్ట్గా పనిచేస్తున్న సత్యేంద్రకుమార్ మంగ్రౌతియాలు విజ్ఞాన్ యువ పురస్కారాలు స్వీకరించారు.
సుప్రీంకోర్టులో భారత ప్రభుత్వ అదనపు సొలిసిటర్ జనరల్గా తెదేపా మాజీ ఎంపీ కనకమేడల రవీంద్రకుమార్ 2025, డిసెంబరు 23న నియమితులయ్యారు. ఆయన బాధ్యతలు చేపట్టినప్పటి నుంచి మూడేళ్లపాటు లేదా తదుపరి ఉత్తర్వులు జారీ చేసే వరకూ ఈ పదవిలో కొనసాగుతారు. రవీంద్రకుమార్ 1983లో ఆంధ్రప్రదేశ్ బార్కౌన్సిల్లో నమోదై న్యాయవాద వృత్తి ప్రారంభించారు. కేంద్ర ప్రభుత్వం, ఏపీఎస్ఆర్టీసీ, ఏపీ విద్యుత్తు బోర్డు, ఏపీ ట్రాన్స్కో, ఏపీ డిస్కంల స్టాండింగ్ కౌన్సెల్గా పనిచేశారు. 2018 నుంచి 2024 వరకు తెదేపా తరఫున రాజ్యసభ సభ్యుడిగా బాధ్యతలు నిర్వర్తించారు.
మధ్యప్రదేశ్ రాష్ట్రం భోపాల్లోని ఐసీఏఆర్-ఇండియన్ ఇన్స్టిట్యూట్ ఆఫ్ సాయిల్ సైన్స్ (ఐఐఎస్ఎస్) తాత్కాలిక ప్రాతిపదికన కింది పోస్టుల భర్తీకి ఇంటర్వ్యూలు నిర్వహిస్తోంది. వివరాలు: 1. సీనియర్ రిసెర్చ్ ఫెలో: 01 2. యంగ్ ప్రొఫెషనల్-II: 02 అర్హత: ఎంఎస్సీ (సాయిల్ సైన్స్/ సాయిల్ సైన్స్ అండ్ అగ్రికల్చరల్ కెమిస్ట్రీ/అగ్రికల్చరల్ ఫిజిక్స్, ప్లాంట్ సైకాలజీ) ఉత్తీర్ణతతో పాటు నెట్/గేట్ స్కోరు, ఉద్యోగానుభవం ఉండాలి. జీతం: నెలకు సీనియర్ రిసెర్చ్ఫెలోకు రూ.37,000, యంగ్ ప్రొఫెషనల్-IIకు రూ.42,000. వయోపరిమితి: సీనియర్ రిసెర్చ్ఫెలోకు పురుషులకు 35, మహిళలకు 40 ఏళ్లు; యంగ్ ప్రొఫెషనల్కు 21 నుంచి 45 ఏళ్లు మధ్య ఉండాలి. టెస్ట్/ఇంటర్వ్యూ తేదీలు: 29, 30, 31.12.2025. వేదిక: ఐసీఏఆర్-ఇండియన్ ఇన్స్టిట్యూట్ ఆఫ్ సాయిల్ సైన్స్, నబిబాగ్, బెరాసియా రోడ్, భోపాల్. Website:https://iiss.icar.gov.in/
స్పికీటెక్ వీడియో ఎడిటర్ పోస్టుల భర్తీకి దరఖాస్తులు కోరుతోంది. వివరాలు: సంస్థ: స్పికీటెక్ పోస్టు పేరు: వీడియో ఎడిటర్ నైపుణ్యాలు: అడోబ్ ఆఫ్టర్ ఎఫెక్ట్స్, ప్రీమియర్ ప్రో, వీడియో ఎడిటింగ్, వీడియో మార్కెటింగ్లో నైపుణ్యం ఉండాలి. స్టైపెండ్: రూ.2,500 - రూ. 9,000. వ్యవధి: 6 నెలలు దరఖాస్తు గడువు: 16-01-2026. Website:https://internshala.com/internship/detail/work-from-home-video-editor-internship-at-spikitech-private-limited1765949160
ఇండియన్ ఇన్స్టిట్యూట్ ఆఫ్ టెక్నాలజీ (ఐఐటీ) గువాహటి ఒప్పంద ప్రాతిపదికన అసోసియేట్ ప్రాజెక్ట్ సైంటిస్ట్ , అసిస్టెంట్ ప్రాజెక్ట్ ఇంజినీర్ పోస్టుల భర్తీకి దరఖాస్తు కోరుతోంది. మొత్తం పోస్టుల సంఖ్య - 06 వివరాలు: 1. రిసెర్చ్ అసిస్టెంట్ -04 2. ఫీల్డ్ ఇన్వెస్టిగేటర్ - 02 అర్హత: సంబంధిత విభాగంలో గుర్తింపు పొందిన యూనివర్సిటీ నుంచి కనీసం 55 శాతం మార్కులతో పీజీ(సోషల్ సైన్స్, డిజాస్టర్ మేనేజ్మెంట్, పబ్లిక్ హెల్త్ లేదా కంప్యూటర్ సైన్స్)లో ఉత్తీర్ణత ఉండాలి. జీతం: నెలకు రిసెర్చ్ అసిస్టెంట్ కు రూ.37,000. ఫీల్డ్ ఇన్వెస్టిగేటర్ కు రూ.20,000. ఎంపిక ప్రక్రియ: ఇంటర్వ్యూ ఆధారంగా అభ్యర్థుల ఎంపిక ఉంటుంది. దరఖాస్తు ప్రక్రియ: ఆన్లైన్ ద్వారా. దరఖాస్తు స్వీకరణకు చివరి తేదీ: 02-01-2026. Website:https://www.iitg.ac.in/iitg_reqr?ct=ZHBsTmd0Y0VWdkJTRzU0ZU92bHAwdz09
ప్రభుత్వ రక్షణ రంగ సంస్థ, నవరత్న హోదా కలిగిన భారత్ ఎలక్ట్రానిక్స్ లిమిటెడ్ (బెల్) నవీ ముంబయి యూనిట్ ఒప్పంద ప్రాతిపదికన ట్రెయినీ ఇంజినీర్, ప్రాజెక్ట్ ఇంజినీర్ ఉద్యోగాల భర్తీకి దరఖాస్తులు కోరుతోంది. మొత్తం పోస్టుల సంఖ్య: 06 వివరాలు: 1. ట్రెయినీ ఇంజినీర్-1 (మెకానికల్): 04 2. ప్రాజెక్ట్ ఇంజినీర్-1: 02 అర్హత: పోస్టులను అనుసరించి సంబంధిత విభాగంలో బీఈ/బీటెక్ (మెకానికల్), బీఎస్సీలో ఉత్తీర్ణతతో పాటు పని అనుభవం ఉండాలి. గరిష్ఠ వయోపరిమితి: 1-12-2025వ తేదీ నాటికి 28 - 32 ఏళ్లు ఉండాలి. ఓబీసీకి 3 ఏళ్లు, ఎస్సీ, ఎస్టీకి 5 ఏళ్లు, పీడబ్ల్ల్యూబీడీ అభ్యర్థులకు 10 ఏళ్లు వయోపరిమితిలో సడలింపు ఉంటుంది. జీతం: నెలకు ట్రెయినీ ఇంజినీర్కు రూ.30,000 - రూ.40,000, ప్రాజెక్ట్ ఇంజినీర్కు రూ.40,000 - రూ.55,000. దరఖాస్తు ప్రక్రియ: ఆన్లైన్ ఆధారంగా. దరఖాస్తు ఫీజు: పోస్టులను అనుసరించి రూ.150 నుంచి 400+జీఎస్టీ. ఎస్సీ, ఎస్టీ, పీడబ్ల్యూబీడీ, ఈఎస్ఎం అభ్యర్థులకు ఫీజు లేదు. ఎంపిక: రాత పరీక్ష (సీబీటీ)/ ఇంటర్వ్యూ ఆధారంగా. దరఖాస్తు చివరి తేదీ: 2026 జనవరి 6. Website:https://bel-india.in/job-notifications/
నొయిడాలోని బ్రాడ్ కాస్ట్ ఇంజినీరింగ్ కన్సల్టెంట్స్ ఇండియా లిమిటెడ్ (బీఈసీఐఎల్) ఒప్పంద ప్రాతిపదికన వివిధ విభాగాల్లో కింది ఉద్యోగాల భర్తీకి దరఖాస్తులు కోరుతోంది. మొత్తం పోస్టుల సంఖ్య: 76 వివరాలు: 1. టెక్నికల్ అసిస్టెంట్ (ఈఎన్టీ): 01 2. ఆఫ్తాల్మిక్ టెక్నీషియన్: 03 3. పేషంట్ కేర్ మేనేజర్(పీసీఎం): 05 4. పేషంట్ కేర్ కో-ఆర్డినేటర్(పీసీసీ): 01 5. అసిస్టెంట్ డైటీషియన్: 02 6. మెడికల్ రికార్డ్ టెక్నీషియన్ (ఎంఆర్టీ): 03 7. డేటా ఎంట్రీ ఆపరేటర్(డీఈఓ) మెడికల్ ట్రాన్స్స్క్రిప్షనిస్ట్: 30 8. టైలర్: 01 9. మెడకల్ ల్యాబ్ టెక్నీషియన్(ఎంఎల్టీ): 05 10. ల్యాబ్ అటెండెంట్: 01 11. డెంటల్ టెక్నీషియన్: 02 12. పీటీఐ-ఫీమేల్: 01 13. రేడియో గ్రాఫర్: 01 14. డేటా ఎంట్రీ ఆపరేటర్: 10 15. మల్టీ టాస్కింగ్ స్టాఫ్(ఎంటీఎస్)-మేల్: 10 16. ఫుడ్ బేరర్: 02 అర్హత: పోస్టులను అనుసరించి సంబంధిత విభాగంలో ఎనిమిది, పదో తరగతి, ఇంటర్, బీఎస్సీ, బీపీఈడీ, డిగ్రీ, ఎంఎస్సీలో ఉత్తీర్ణతతో పాటు పని అనుభవం ఉండాలి. వయోపరిమితి: వివిధ విభాగాల్లోని పోస్టులను అనుసరించి 18 నుంచి 40 ఏళ్లు ఉండాలి. జీతం: నెలకు పోస్టులను అనుసరించి నెలకు రూ.20,930 నుంచి రూ.40,710. దరఖాస్తు ప్రక్రియ: ఆఫ్లైన్ ద్వారా. దరఖాస్తు ఫీజు: జనరల్, ఓబీసీ, ఈడబ్ల్యూఎస్ అభ్యర్థులకు రూ.295. ఎస్సీ, ఎస్టీ, పీడబ్ల్యూబీడీ అభ్యర్థులకు ఫీజు లేదు. ఎంపిక విధానం: విద్యార్హతల్లో సాధించిన మెరిట్, స్కిల్ టెస్ట్/ఇంటర్వ్యూ ఆధారంగా. దరఖాస్తు చివరి తేదీ: 2026 జనవరి 2. చిరునామా: బ్రాడ్కాస్ట్ ఇంజినీరింగ్ కన్సల్టెంట్స్ ఇండియా లిమిటెడ్ (బీఈసీఐఎల్), బీఈసీఐఎల్ భవన్, సీ-56/ఏ-17, సెక్టార్-62, నోయిడా-201307 (ఉత్తర్ప్రదేశ్) చిరునామాకు దరఖాస్తులు పంపిచాలి. Website:https://www.becil.com/Vacancies
ఆంధ్రప్రదేశ్ మహిళాభివృద్ధి & శిశు సంక్షేమ శాఖ (ఏపీ డబ్ల్యూసీడీ) అనంతపురం జిల్లా ఒప్పంద ప్రాతిపదికన వివిధ విభాగాల్లో అంగన్వాడీ వర్కర్, హెల్పర్ ఉద్యోగాల భర్తీకి దరఖాస్తులు కోరుతోంది. మొత్తం పోస్టుల సంఖ్య: 92 వివరాలు: 1. అంగన్వాడీ (హెల్పర్): 14 2. అంగన్వాడీ (వర్కర్): 78 అర్హత: పోస్టులను అనుసరించి సంబంధిత విభాగంలో పదో తరగతిలో ఉత్తీర్ణత ఉండాలి. వయోపరిమితి: 2025 జులై 1వ తేదీ నాటికి 21 నుంచి 35 ఏళ్లు ఉండాలి. జీతం: నెలకు పోస్టులను అనుసరించి రూ.7,000 - రూ.11,500. ఎంపిక ప్రక్రియ: స్థానికత, తెలుగు డిక్టేషన్ పరీక్ష ఆధారంగా. దరఖాస్తు ప్రక్రియ: ఆఫ్లైన్ ద్వారా. దరఖాస్తు చివరి తేదీ: 2025 డిసెంబర్ 31. Website:https://ananthapuramu.ap.gov.in/notice_category/recruitment/
Your account has been blocked from accessing the discussion forum.If you believe this is a mistake or wish to inquire further,please contact the support team.
Your account has been blocked from accessing doubts.
If you believe this is a mistake or wish to inquire further, please contact the support team.