ప్రస్తుత ఆర్థిక సంవత్సరం (2025-26)లో భారత వృద్ధి 6.1 శాతానికి తగ్గొచ్చని మోర్గాన్‌ స్టాన్లీ అంచనా వేసింది. వృద్ధిరేటు 6.5% ఉండొచ్చని ఇంతకు ముందు సంస్థ అంచనా వేసింది. అంటే ప్రస్తుతం 40 బేసిస్‌ పాయింట్ల మేర తగ్గించింది. 2026-27లో వృద్ధి 6.3 శాతానికి పుంజుకోవచ్చని పేర్కొంది. అమెరికా వాణిజ్య యుద్ధం కారణంగా తలెత్తిన అనిశ్చితి పరిస్థితులే ఇందుకు కారణమని వెల్లడించింది. 2025లో కీలక రేట్లను మరో 0.50% మేర ఆర్‌బీఐ తగ్గించే అవకాశం ఉందని అభిప్రాయపడింది.