ప్రస్తుత ఆర్థిక సంవత్సరం (2025-26)లో దేశ జీడీపీ వృద్ధి 7 శాతంగా నమోదు కావొచ్చని క్రిసిల్‌ అంచనా వేసింది. గతంలో 6.5 శాతం వృద్ధి అంచనా ప్రకటించగా, తాజాగా దాన్ని పెంచింది. తొలి అర్ధభాగం (ఏప్రిల్‌-సెప్టెంబరు)లో జీడీపీ వృద్ధి అంచనాలను మించి 8 శాతానికి చేరడంతో సవరించింది. వాస్తవిక జీడీపీ వృద్ధి రెండో త్రైమాసికంలో ఊహించిన దాని కంటే భిన్నంగా 8.2 శాతానికి పెరిగిందని క్రిసిల్‌ వెల్లడించింది.