2025లో భారత జీడీపీ వృద్ధి 6.4 శాతంగా ఉండొచ్చని మూడీస్‌ అనలిటిక్స్‌ అంచనా వేసింది. 2024లో జీడీపీ వృద్ధి 6.6 శాతంగా ఉంది.

అమెరికా టారిఫ్‌ల ప్రకటనకు తోడు అంతర్జాతీయంగా ఎగుమతులకు గిరాకీ తగ్గొచ్చన్న అంచనాలు ఇందుకు కారణమని తెలిపింది.

‘ఆసియా-పసిఫిక్‌ ఔట్‌లుక్‌: చావోస్‌ ఎహెడ్‌’ పేరిట మూడీస్‌ ఈ నివేదికను వెలువరించింది. వాణిజ్య ఉద్రిక్తతలు, విధానపరమైన మార్పుల కారణంగా ఆసియా-పసిఫిక్‌ ఆర్థిక వ్యవస్థ ఈ ఏడాది నెమ్మదించొచ్చని వివరించింది.