మహిళల బిగ్‌బాష్‌ లీగ్‌ (డబ్ల్యూబీబీఎల్‌) దశాబ్దపు జట్టు జాబితాలో భారత కెప్టెన్‌ హర్మన్‌ప్రీత్‌ కౌర్‌కు చోటు దక్కింది. ఈ సీజన్‌కు ముందు కనీసం 60 మ్యాచ్‌లాడిన 50 మంది క్రికెటర్లతో జాబితాను రూపొందించారు.

ఇందులో భారత్‌ నుంచి హర్మన్‌కు మాత్రమే స్థానం లభించింది. అభిమానుల ఓటింగ్‌ను పరిగణలోకి తీసుకున్న తర్వాత నిపుణుల బృందం 12 మందితో దశాబ్దపు జట్టును ఎంపిక చేయనుంది. డిసెంబరు 1న జట్టును ప్రకటిస్తారు.