సెంట్రల్ బోర్డ్ ఆఫ్ సెకండరీ ఎడ్యుకేషన్ (సీబీఎస్‌ఈ) నిర్వహించే సెంట్రల్ టీచర్ ఎలిజిబిలిటీ టెస్ట్ (సీటీఈటీ)కు నోటిఫికేషన్‌ విడుదల చేసింది. సీటెట్​ పరీక్ష ఏటా రెండుసార్లు జరుగుతుంది. తాజాగా ఫిబ్రవరి-2026 ఏడాదికి సంబంధించిన సీటెట్​ నోటిఫికేషన్​ విడుదలైంది. 

వివరాలు:

సెంట్రల్ టీచర్ ఎలిజిబిలిటీ టెస్ట్(సీటెట్‌) ఫిబ్రవరి-2026

పరీక్ష విధానం: పరీక్ష మొత్తం రెండు పేపర్‌లను కలిగి ఉంటుంది. మొదటి పేపర్​ ఒకటి నుంచి ఐదు తరగతులకు బోధించాలనుకునే వారికి కోసం, రెండో పేపర్​ ఆరు నుంచి ఎనిమిదో తరగతులకు బోధించాలనుకునే వారి కోసం నిర్వహిస్తారు. సీటెట్​ స్కోర్ లైఫ్​ లాంగ్​ వ్యాలిడిటీ కలిగి ఉంటుంది. పరీక్షను 20 భాషలలో నిర్వహిస్తారు. సీటెట్​ స్కోర్ దేశంలోని కేవీఎస్‌, ఎన్‌వీఎస్‌, సెంట్రల్‌ స్కూళ్లతో పాటు సీబీఎస్‌ఈ అనుబంధ పాఠశాలల్లో, కేంద్ర ప్రభుత్వం పరిధిలోని పాఠశాలల ఉపాధ్యాయ నియామకాల్లో పరిగణనలోకి తీసుకుంటారు. 

అర్హతలు: ఇంటర్మీడియట్‌తో పాటు డీఈఎల్‌ఈడీ/ బీఈఎల్‌ఈడీ; డిగ్రీ డీఈడీ (ప్రత్యేక విద్య), బీఈడీ, బీఈడీ(ప్రత్యేక విద్య), / బీఎస్సీఈడీ/ బీఏఈడీ/ బీఎస్సీఈడీ, ఉత్తీర్ణులై ఉండాలి.

దరఖాస్తు రుసుము: జనరల్/ ఓబీసీ కేటగిరీలకు రూ.1000(పేపర్ 1 లేదా 2 మాత్రమే), రూ.1200(పేపర్ 1 & 2 రెండూ). ఎస్సీ/ ఎస్టీ/ దివ్యాంగులకు: రూ.500(పేపర్ 1 లేదా 2 మాత్రమే), రూ.600(పేపర్ 1 & 2 రెండూ).

పరీక్ష విధానం: పేపర్‌-1 ఉదయం 9:30 నుంచి మద్యాహ్నం 12 గంటల వరకు పేపర్‌-2 మద్యాహ్నం 2:30 నుంచి 5 గంటల వరకు ఉంటుంది.

తెలుగు రాష్ట్రాల్లో పరీక్ష కేంద్రాలు: హైదరాబాద్, వరంగల్‌, గుంటూరు, తిరుపతి, విజయవాడ, విశాఖపట్నం.

ముఖ్య తేదీలు:

ఆన్‌లైన్ దరఖాస్తు ప్రక్రియ ప్రారంభం: 27.11.2025.

ఆన్‌లైన్ దరఖాస్తుకు చివరి తేది: 18.12.2025.

ఫీజు చెల్లింపు చివరి తేది: 18.12.2025.

ఓఎమ్మార్‌ ఆధారిత పరీక్ష తేదీ: 08-02-2026.

పేపర్‌-1, పేపర్‌-2 ఎగ్జామ్‌ ప్యాటర్న్‌ల కోసం నోటిఫికేషన్‌లోని పేజీ నంబర్‌ 8 నుంచి చూడవచ్చు.

Website:https://ctet.nic.in/