కేంద్ర హోం మంత్రిత్వశాఖ అధీనంలోని సెంట్రల్‌ ఇండస్ట్రియల్‌ సెక్యూరిటీ ఫోర్స్ (సీఐఎస్‌ఎఫ్‌) కానిస్టేబుల్/ ఫైర్ (మేల్‌) పోస్టుల భర్తీకి దరఖాస్తులు కోరుతోంది. సీఐఎస్ఎఫ్ దేశవ్యాప్తంగా సెక్టార్ల వారీగా పారిశ్రామిక యూనిట్లకు రక్షణ కల్పిస్తోంది.

మొత్తం పోస్టులు సంఖ్య: 1130 పోస్టులు (యూఆర్‌- 466, ఈడబ్ల్యూఎస్‌- 114, ఎస్సీ- 153, ఎస్టీ- 161, ఓబీసీ- 236) 

వివరాలు:

ఆంధ్రప్రదేశ్‌లో 32, తెలంగాణలో 26 ఖాళీలు ఉన్నాయి.

అర్హత: అభ్యర్థులు తప్పనిసరిగా గుర్తింపు పొందిన బోర్డు/ యూనివర్సిటీ నుంచి 12వ తరగతి సైన్స్ సబ్జెక్టులతో ఉత్తీర్ణులై ఉండాలి లేదా తత్సమాన అర్హత కలిగి ఉండాలి. ఎస్సీ, ఎస్టీ అభ్యర్థులకు ఐదేళ్లు, ఈఎస్‌ఎం/ ఓబీలకు మూడేళ్ల సడలింపు ఉంటుంది.

వయోపరిమితి: 30.09.2024 నాటికి 18 నుంచి 23 ఏళ్ల మధ్య ఉండాలి. అభ్యర్థులు 01/10/2001 కంటే ముందు 30/09/2006 తర్వాత జన్మించి ఉండకూడదు.

శారీరక ప్రమాణాలు: ఎత్తు కనీసం 170 సెం.మీ., ఛాతీ 80-85 సెం.మీ. ఉండాలి.

జీత భత్యాలు: నెలకు రూ.21,700-రూ.69,100.

రిక్రూట్‌మెంట్ ప్రక్రియ: ఫిజికల్ స్టాండర్డ్స్ టెస్ట్ (PST), ఫిజికల్ ఎఫిషియెన్సీ టెస్ట్ (PET), డాక్యుమెంట్ వెరిఫికేషన్, రాత పరీక్ష (OMR/ CBT), డిటైల్డ్ మెడికల్ ఎగ్జామినేషన్, రివ్యూ మెడికల్ ఎగ్జామినేషన్ ఆధారంగా.

దరఖాస్తు రుసుము: రూ.100. (ఎస్సీ, ఎస్టీ, ఈఎస్‌ఎం అభ్యర్థులు దరఖాస్తు రుసుము చెల్లింపు నుంచి మినహాయింపు ఉంటుంది).

రాత పరీక్ష విధానం: ఓఎమ్మార్‌/ కంప్యూటర్ ఆధారిత పరీక్ష విధానంలో రాత పరీక్ష నిర్వహిస్తారు. పరీక్షకు 2 గంటల వ్యవధి ఉంటుంది. 100 ప్రశ్నలకు 100 మార్కులు కేటాయించారు. జనరల్ ఇంటెలిజెన్స్ అండ్‌ రీజనింగ్‌ (25 ప్రశ్నలు- 25 మార్కులు), జనరల్ నాలెడ్జ్ అండ్‌ అవేర్‌నెస్ (25 ప్రశ్నలు- 25 మార్కులు), ఎలిమెంటరీ మ్యాథమెటిక్స్ (25 ప్రశ్నలు- 25 మార్కులు), ఇంగ్లిష్/ హిందీ (25 ప్రశ్నలు- 25 మార్కులు). ఇంగ్లిష్‌/ హిందీ మాధ్యమాల్లో ప్రశ్నపత్రం ఉంటుంది. నెగెటివ్ మార్కింగ్ లేదు.

ఆన్‌లైన్ దరఖాస్తుల సమర్పణకు చివరి తేదీ: 30/09/2024.

దరఖాస్తు సవరణ తేదీలు: 10-10-2024 నుంచి 12-10-2024 వరకు.

Website:https://cisfrectt.cisf.gov.in/

Apply online:https://cisfrectt.cisf.gov.in/index.php