భారత ప్రధానమంత్రి నరేంద్రమోదీని కామన్వెల్త్‌ ఆఫ్‌ డొమినికా తమ దేశ అత్యున్నత జాతీయ అవార్డు ‘డొమినికా అవార్డ్‌ ఆఫ్‌ ఆనర్‌’తో సత్కరించనుంది. ఈ విషయాన్ని ఆ దేశ ప్రభుత్వం 2024, నవంబరు 14న తెలిపింది.

కొవిడ్‌ సమయంలో డొమినికాకు భారత్‌ అందించిన సహకారాన్ని గుర్తిస్తూ ఈ పురస్కారాన్ని అందజేయనున్నట్లు తెలిపింది.

నవంబరు మూడోవారంలో గయానాలో జరిగే ది కరేబియన్‌ కమ్యూనిటీ అండ్‌ కామన్‌ మార్కెట్‌ సదస్సులో ఆ అవార్డును ప్రదానం చేయనున్నట్లు వెల్లడించింది.