భారత ప్రభుత్వ రక్షణ మంత్రిత్వ శాఖకు చెందిన భారత్ ఎలక్ట్రానిక్స్ లిమిటెడ్ (బెల్), నెట్వర్క్ అండ్ సైబర్ సెక్యూరిటీ విభాగంలో తాత్కాలిక ప్రాతిపదికన కింది ఉద్యోగాల భర్తీకి దరఖాస్తులు కోరుతోంది.
మొత్తం పోస్టుల సంఖ్య: 18
వివరాలు:
1. ఫీల్డ్ ఆపరేషన్ ఇంజనీర్ (FOE): 06 పోస్టులు.
2. ప్రాజెక్ట్ ఇంజనీర్-I: 12 పోస్టులు.
అర్హత & అనుభవం:
విద్యార్హత: సంబంధిత విభాగాల్లో (CS/EC మొదలైనవి) బీఈ/బీటెక్ ఉత్తీర్ణతతో పాటు నిర్దేశిత ఐటీ సర్టిఫికేషన్లు కలిగి ఉండాలి.
అనుభవం: 01.02.2026 నాటికి ఫీల్డ్ ఆపరేషన్ ఇంజనీర్లకు 5 ఏళ్లు, ప్రాజెక్ట్ ఇంజనీర్లకు 2 ఏళ్ల పారిశ్రామిక అనుభవం ఉండాలి.
వయోపరిమితి: 01.02.2026 నాటికి ఫీల్డ్ ఆపరేషన్ ఇంజనీర్లకు 35 ఏళ్లు, ప్రాజెక్ట్ ఇంజనీర్లకు 32 ఏళ్లు మించకూడదు. నిబంధనల ప్రకారం వయో సడలింపు ఉంటుంది.
వేతనం & కాలపరిమితి:
గౌరవ వేతనం: ఫీల్డ్ ఆపరేషన్ ఇంజనీర్లకు నెలకు రూ.60,000, ప్రాజెక్ట్ ఇంజనీర్లకు రూ.40,000 (ప్రతి ఏటా రూ. 5,000 పెరుగుదల ఉంటుంది). అదనంగా బీమా మరియు ఇతర అలవెన్సుల కోసం ఏడాదికి రూ. 12,000 చెల్లిస్తారు.
ఒప్పంద కాలం: FOEలకు 4 ఏళ్లు, ప్రాజెక్ట్ ఇంజనీర్లకు ప్రారంభంలో 3 ఏళ్లు (మరో ఏడాది పొడిగించే అవకాశం ఉంది).
ఎంపిక విధానం: రాత పరీక్ష, ఇంటర్వ్యూ ఆధారంగా.
దరఖాస్తు ఫీజు: అభ్యర్థులు రూ.400 + 18% GST ఫీజు చెల్లించాలి. ఎస్సీ, ఎస్టీ, దివ్యాంగులకు ఫీజు నుంచి మినహాయింపు ఉంది.
ముఖ్యమైన తేదీలు:
ఆన్లైన్ దరఖాస్తు ప్రారంభం: మార్చి 10, 2026.
దరఖాస్తుకు చివరి తేదీ: మార్చి 24, 2026.