ఆంధ్రప్రదేశ్‌ రాష్ట్రం బాపట్లకు చెందిన ప్రముఖ మొక్కజొన్న శాస్త్రవేత్త బొడ్డుపల్లి మారుతీ ప్రసన్న 2024, నవంబరు 8న జాతీయ స్థాయిలో ప్రతిష్ఠాత్మక టాస్‌ ఎం.ఎస్‌.స్వామినాథన్‌ అవార్డుకు ఎంపికయ్యారు.

పురస్కారం కింద ఆయనకు రూ.లక్ష నగదు అందజేయనున్నారు. దిల్లీకి చెందిన ట్రస్టు ఫర్‌ అడ్వాన్స్‌మెంట్‌ ఆఫ్‌ అగ్రికల్చరల్‌ సైన్సెస్‌ (టాస్‌) ఆధ్వర్యంలో వ్యవసాయ రంగంలో విశిష్ట సేవలు అందిస్తున్న శాస్త్రవేత్తలకు ఏటా ఎం.ఎస్‌.స్వామినాథన్‌ పురస్కారాన్ని ప్రదానం చేస్తున్నారు.

కేంద్ర మాజీ మంత్రి సురేష్‌ప్రభు చేతుల మీదగా దిల్లీలో డిసెంబరు 20న మారుతీ ప్రసన్న పురస్కారం అందుకోనున్నారు.