కార్లోస్‌ అల్కరాస్‌ (స్పెయిన్‌) ఫ్రెంచ్‌ ఓపెన్‌ టైటిల్‌ను నెగ్గాడు. 2025, జూన్‌ 8న పారిస్‌లో జరిగిన ఫైనల్లో అతడు 4-6, 6-7 (4-7), 6-4, 7-6 (7-3), 7-6 (10-2)తో టాప్‌ సీడ్‌ యానిక్‌ సినర్‌ (ఇటలీ)పై విజయం సాధించాడు. 5 గంటల 29 నిమిషాల పాటు సాగిన ఈ ఫైనల్‌.. రొలాండ్‌ గారోస్‌ చరిత్రలో అత్యంత సుదీర్ఘమైన ఫైనల్‌గా రికార్డులకెక్కింది. 1982లో మాట్స్‌ విలాండర్‌-విలాస్‌ (4 గంటల 42 నిమిషాలు) నెలకొల్పిన రికార్డు కనుమరుగైంది. అల్కరాస్‌కు ఇది రెండో ఫ్రెంచ్‌ ఓపెన్‌ ట్రోఫీ.