Published on Nov 25, 2025
Current Affairs
నౌకాదళంలోకి ఐఎన్‌ఎస్‌ మాహె
- తీరాన్ని కాపాడటంలో వెన్నుదన్నుగా నిలిచే యుద్ధనౌక ఐఎన్‌ఎస్‌ మాహె 2025, నవంబరు 24న భారత నౌకాదళంలో ప్రవేశించింది. ఈ శ్రేణిలో ఇది మొట్టమొదటిది. శత్రుదేశ జలాంతర్గాములపై పాశుపతాస్త్రంలా పనిచేస్తుంది. త్రివిధ దళాల సేవల్ని సమన్వయం చేస్తుంది. ముంబయిలో జరిగిన ఓ కార్యక్రమంలో భారత సైన్యాధిపతి జనరల్‌ ఉపేంద్ర ద్వివేది దీన్ని లాంఛనంగా నౌకాదళానికి అప్పగించారు. ఇలాంటి కార్యక్రమానికి ఆర్మీ చీఫ్‌ రావడం ఇదే తొలిసారి.
- కొచ్చిన్‌ షిప్‌యార్డులో నిర్మించిన ఈ నౌకలో 80 శాతం స్వదేశీ సాంకేతికతనే వినియోగించారు. ఈ నౌక మన దేశ పశ్చిమ తీరంలో కార్యకలాపాలు కొనసాగించనుంది. మలబార్‌ తీరంలోని చారిత్రక పట్టణం మాహె పేరును ఈ నౌకకు పెట్టారు.