దిగ్గజ భారతీయ నటుడు ధర్మేంద్ర (89) 2025, నవంబరు 24న ముంబయిలో మరణించారు. ఆయన దాదాపు 300 చిత్రాల్లో నటించారు. ధర్మేంద్ర 1935 డిసెంబరు 8న పంజాబ్‌లో జన్మించారు. అసలు పేరు ధర్మేంద్ర కేవల్‌ క్రిషన్‌ దేఒల్‌. 1975లో విడుదలైన ‘షోలే’తో బాలీవుడ్‌లో తిరుగులేని నటుడిగా ఎదిగారు. 2004లో బీకానేర్‌ నుంచి భాజపా తరఫున లోక్‌సభ ఎంపీగా పోటీచేసి గెలుపొందారు. భారతీయ చిత్రసీమకు ఆయన చేసిన సేవలకు గుర్తుగా 2012లో భారత ప్రభుత్వం పద్మభూషణ్‌తో సత్కరించింది.