సెకనుకు 1.02 పెటాబిట్ల సమాచారం ప్రసారం చేయగల ఇంటర్నెట్‌ వేగాన్ని జపాన్‌ అభివృద్ధిచేసింది.

జపాన్‌కు చెందిన నేషనల్‌ ఇన్‌స్టిట్యూట్‌ ఆఫ్‌ ఇన్ఫర్మేషన్‌ అండ్‌ కమ్యూనికేషన్స్‌ టెక్నాలజీ(ఎన్‌ఐసీటీ)- ఫొటానిక్‌ నెట్‌వర్క్‌ లేబరేటరీతో సంయుక్తంగా జరిపిన పరిశోధనల ఫలితంగా ఇది సాధ్యమైంది. 

దీని ద్వారా నెట్‌ఫ్లిక్స్‌ ఇప్పటివరకూ చేసిన ప్రసారాలన్నిటినీ ఒక సెకనులో డౌన్‌లోడ్‌ చేయవచ్చు.

ఇంగ్లీషులో వికీపిడియా ఇప్పటి వరకూ వెలువరించిన 100 గిగాబైట్ల మొత్తం సమాచారాన్ని ఒకే ఒక సెకనులో 10 వేల సార్లు డౌన్‌లోడ్‌ చేసుకోవచ్చు. 

19 పోగులు కలిగిన ఒక ప్రత్యేక ఫైబర్‌ ఆప్టిక్‌ కేబుల్‌ సాయంతో జపాన్‌ సెకనుకు 1,808 కిలోమీటర్ల వేగంతో డేటాను ప్రసారం చేయగలుగుతోంది.

మన ప్రస్తుత ఇంటర్నెట్‌ మౌలిక సదుపాయాల్లో వినియోగించే 0.125 ఎంఎం మందం కలిగిన కేబుల్‌ సాయంతోనే 1.86 ఎగ్జాబిట్‌ల డేటాను ప్రసారం చేసే సత్తా సాధించారు జపాన్‌ శాస్త్రవేత్తలు.