ఫుజియాన్‌ పేరుతో తన మూడో విమానవాహక నౌకను చైనా లాంఛనంగా నేవీలో చేర్చింది. పూర్తిగా స్వదేశీ పరిజ్ఞానంతో చేసిన ఈ విమానవాహక నౌకను చైనా అధ్యక్షుడు జిన్‌పింగ్‌ హైనాన్‌ ప్రావిన్స్‌లోని సాన్య రేవు వద్ద ప్రారంభించారు. ఫుజియాన్‌లో విద్యుదయస్కాంత (ఎలక్ట్రోమ్యాగ్నెటిక్‌ ఎయిర్‌క్రాఫ్ట్‌ లాంచ్‌ సిస్టమ్‌- ఈమాల్స్‌) వ్యవస్థను ఏర్పాటు చేశారు. విమాన వాహకనౌక డెక్‌ నుంచి యుద్ధవిమానాలను వేగంగా, సాఫీగా నింగిలోకి పంపడానికి ఇది ఉపయోగపడుతంది. ఇలాంటి వ్యవస్థ.. అమెరికాకు చెందిన ఎయిర్‌క్రాఫ్ట్‌ క్యారియర్‌ యూఎస్‌ఎస్‌ జెరల్డ్‌ ఆర్‌ ఫోర్డ్‌లో మాత్రమే ఉంది.