భూమిపై పెరుగుతున్న ఉష్ణ తాపాన్ని నిలువరించడానికి ఉత్తర, దక్షిణ ధ్రువాల వైపు కంటే భూ మధ్య రేఖ పరిధిలోని ఉష్ణమండల ప్రాంతాల్లో చెట్లను నాటడం ఎక్కువ ఫలితాలను ఇస్తుందని ఓ అధ్యయనం తేల్చింది. ‘చెట్ల పనితీరుపై స్థానిక వాతావరణ పరిస్థితుల ప్రభావం’ అనే అంశంపై అమెరికాలోని కాలిఫోర్నియా రివర్‌సైడ్‌ విశ్వవిద్యాలయం అధ్యయనం నిర్వహించింది. ఆ వివరాల ప్రకారం.. చెట్లను ఉత్తర, దక్షిణ ధ్రువ ప్రాంతాల్లో నాటితే అవి అక్కడ స్వల్ప ఉష్ణోగ్రత పెరిగేందుకు కారణమవుతున్నాయని.. తేమ ఎక్కువుండే భూమధ్య రేఖ ప్రాంతాల్లో ఫలితాలు ఇందుకు భిన్నంగా ఉన్నాయని తేలింది.