భారత అథ్లెట్‌ గుల్వీర్‌ సింగ్‌ హచియోజి లాంగ్‌ డిస్టెన్స్‌ మీట్‌లో స్వర్ణం నెగ్గాడు. 2024, నవంబరు 23న జపాన్‌లో జరిగిన 10 వేల మీటర్ల పరుగును గుల్వీర్‌ 27 నిమిషాల 14.88 సెకన్లలో పూర్తి చేసి అగ్రస్థానంలో నిలిచాడు.

ఈ క్రమంలోనే తన పేరిటే ఉన్న జాతీయ రికార్డు (27 నిమిషాల 41.81 సెకన్లు)ను సవరించాడు. 

2023 హాంగ్జౌ ఆసియా క్రీడల్లో కాంస్యం గెలిచిన గుల్వీర్, 10 వేల మీటర్లతో పాటు 5 వేల మీటర్లలోనూ జాతీయ రికార్డు కలిగి ఉన్నాడు. 

జపాన్‌ వేదికగానే అతడు 2024 సెప్టెంబరులో 5 వేల మీటర్లలో జాతీయ రికార్డు (13 నిమిషాల 11.82 సె) సృష్టించాడు.