ఏపీ జలవనరుల శాఖ సలహాదారు ఎన్‌.కన్నయ్య నాయుడికి కన్నడ రాజ్యోత్సవ పురస్కారాన్ని ప్రకటించారు. నవంబరు 1న కర్ణాటక రాష్ట్ర అవతరణ దినోత్సవం సందర్భంగా ఈ పురస్కారాన్ని ప్రభుత్వం అందిస్తోంది. ఆగస్టు 10న వరదలతో కర్ణాటకలోని తుంగభద్ర జలాశయం 19వ క్రస్టుగేట్‌ కొట్టుకుపోయింది. ఈ భారీ విపత్తు నుంచి జలాశయంలోని నీటిని పరిరక్షించే బాధ్యతను కన్నయ్యనాయుడి నేతృత్వంలోని ఇంజినీర్ల బృందం సమర్థంగా నిర్వహించి సఫలమైంది. కన్నయ్యనాయుడి సేవలను గుర్తించిన కర్ణాటక ప్రభుత్వం ఈ పురస్కారానికి ఎంపిక చేసింది.