Published on Nov 20, 2025
Current Affairs
కాగ్‌ సెంటర్‌ ఆఫ్‌ ఎక్స్‌లెన్స్‌
- ఆర్థిక వ్యవహారాల ఆడిట్‌ కోసం కంప్ట్రోలర్‌ అండ్‌ ఆడిటర్‌ జనరల్‌ ఆఫ్‌ ఇండియా (కాగ్‌) హైదరాబాద్‌లో సెంటర్‌ ఆఫ్‌ ఎక్స్‌లెన్స్‌ (సీఓఈ)ని ఏర్పాటు చేయనుంది. ఈ జాతీయ కేంద్రం ఆర్థిక ఆడిట్‌ రంగంలో ఆవిష్కరణలు, పరిశోధన, వృత్తిపరమైన అభివృద్ధికి తోడ్పడుతుందని డిప్యూటీ కంప్ట్రోలర్‌ అండ్‌ ఆడిటర్‌ జనరల్‌ (కమర్షియల్, రిపోర్ట్‌ సెంట్రల్‌) ఏఎం బజాజ్‌ వెల్లడించారు.
- అంతర్జాతీయంగా అమల్లో ఉన్న ఆడిట్‌ విధానాలు, నైపుణ్యాలు పెంచే కేంద్రంగా ఇది పనిచేస్తుందన్నారు. దీంతో ఆడిట్‌లు అంతర్జాతీయ ప్రమాణాలతో ఉండటమే కాకుండా, ఈ రంగంలో ప్రపంచ బెంచ్‌మార్క్‌లను రూపొందించే స్థాయికి చేరతాయన్నారు.