Published on Jan 22, 2026
Current Affairs
‘ఐటీ సర్వీసెస్ 25 (2026)’ నివేదిక
- అంతర్జాతీయంగా అత్యంత విలువైన ఐటీ సేవల బ్రాండ్లలో టాటా కన్సల్టెన్సీ సర్వీసెస్ (టీసీఎస్), ఇన్ఫోసిస్ వరుసగా రెండు, మూడు స్థానాల్లో నిలిచాయి. బ్రాండ్ ఫైనాన్స్ సంస్థ ‘ఐటీ సర్వీసెస్ 25 (2026)’ నివేదికలో ఈ విషయాన్ని వెల్లడించింది. 25 సంస్థలతో విడుదల చేసిన ఈ జాబితాలో అమెరికా, భారత్ నుంచి చెరి 8 సంస్థలున్నాయి. గత 8 ఏళ్లుగా మొదటి స్థానంలో నిలుస్తున్న యాక్సెంచర్, ఈసారీ 42.2 బిలియన్ డాలర్ల (సుమారు రూ.3.80 లక్షల కోట్ల) బ్రాండ్ విలువతో అగ్రస్థానంలో కొనసాగింది.
- టీసీఎస్ వరుసగా అయిదో సంవత్సరమూ 21.2 బిలియన్ డాలర్ల (సుమారు రూ.1.91 లక్షల కోట్ల)తో రెండోస్థానంలో నిలిచింది. బ్రాండ్ విలువను ఏటా 15% చొప్పున పెంచుకుంటూ, గత ఆరేళ్లుగా అత్యంత వేగవంతమైన వృద్ధి సంస్థగా నిలిచిన ఇన్ఫోసిస్, 16.4 బిలియన్ డాలర్ల (సుమారు రూ.1.48 లక్షల కోట్ల)తో మూడో స్థానంలో నిలిచింది.