ఎన్‌ఎండీసీ స్టీలు లిమిటెడ్‌కు ప్రతిష్ఠాత్మక సీఈ (కన్‌ఫర్మిటీ యూరోపీన్నే) సర్టిఫికెట్‌ లభించింది. ఐరోపా సమాఖ్య నోటిఫైడ్‌ సర్టిఫికేషన్‌ సంస్థ ‘టీయూవీ నార్డ్‌’ నిర్దేశించిన సీపీఆర్‌ (కన్‌స్ట్రక్షన్‌ ప్రోడక్ట్స్‌ రెగ్యులేషన్‌) ప్రకారం ఉత్పత్తుల శ్రేణి సాధించినందుకు ఈ సర్టిఫికెట్‌ మంజూరు చేశారు. దీనివల్ల ఎన్‌ఎండీసీ స్టీలు ఉత్పత్తులు ఐరోపా నాణ్యతా ప్రమాణాల ప్రకారం ఉన్నట్లు ధ్రువీకరించినట్లు అవుతోంది. 
* ఐరోపా దేశాలకు స్టీలు ఉత్పత్తులను ఎగుమతి చేసేందుకు, ఐరోపా దేశాలకు స్టీలు ఓఈఎం (ఒరిజినల్‌ ఎక్విప్‌మెంట్‌ మ్యానుఫ్యాక్చరర్‌) ఉత్పత్తులు అందించడానికి ఈ సర్టిఫికెట్‌ అవసరం. ఎన్‌ఎండీసీ స్టీలు ఉత్పత్తులతో ఇతర సంస్థలు ఓఈఎం విడిభాగాలు ఆవిష్కరించి, ఐరోపా దేశాలకు ఎగుమతి చేయడానికి వీలు కలుగుతుంది.