అంగన్వాడీ చిన్నారులకు ఉదయం వేళల్లో అల్పాహారం అందించే ‘తొలిముద్ద’ పథకాన్ని తెలంగాణ ముఖ్యమంత్రి రేవంత్రెడ్డి ప్రారంభించారు. పిల్లలకు పోషకాహారం అందితేనే వారి శారీరక, మానసిక ఎదుగుదల బలంగా ఉంటుంది. సరైన ఆహారం లభించకపోవడంతో అనారోగ్య సమస్యలు వస్తున్నాయి . ఈ నేపథ్యంలో అంగన్వాడీల్లోని ఆరేళ్లలోపు చిన్నారులకు ఉదయం అల్పాహారం అందించనున్నట్లు ఆయన ప్రకటించారు.
16 ఏళ్లలోపు పిల్లలు సామాజిక మాధ్యమాల వినియోగంపై ఇండోనేసియా కఠిన ఆంక్షలను తెచ్చింది. యూట్యూబ్, టిక్టాక్, ఫేస్బుక్, ఇన్స్టాగ్రామ్, ట్రెండ్స్, ఎక్స్, బిగో లైవ్, రోబ్లోక్స్ లాంటి సామాజిక మాధ్యమాల్లో చిన్నారులు అకౌంట్లను తెరిచేందుకు వీలులేదంటూ 2026, మార్చి 28న కొత్త నిబంధనలను అమల్లోకి తెచ్చింది. దీంతో ఆగ్నేయాసియాలో చిన్నారుల సామాజిక మాధ్యమాల వినియోగంపై ఆంక్షలు తీసుకువచ్చిన మొదటి దేశంగా ఇండోనేసియా నిలిచింది.
స్వదేశీ పరిజ్ఞానంతో తయారు చేసిన 2,000 ప్రహార్ 7.62 ఎంఎం లైట్ మెషిన్ గన్ (ఎల్ఎంజీ)లను అదానీ డిఫెన్స్ అండ్ ఏరోస్పేస్ భారత సైన్యానికి అందజేసింది. ఈ గన్ల డెలివరీతో మన దేశంలో తేలికపాటి మెషిన్ గన్లను దేశీయంగా తయారు చేసి సరఫరా చేసిన తొలి భారీ ప్రైవేటు రంగ సంస్థగా అదానీ డిఫెన్స్ నిలిచింది. ఒప్పందం కుదుర్చుకున్న కాల పరిమితి కంటే చాలా ముందుగా కేవలం 7 నెలల్లోనే తొలి బ్యాచ్ను డెలివరీ చేసింది.
భారతీయ పరిశ్రమల సమాఖ్య (సీఐఐ) దక్షిణ ప్రాంత ఛైర్మన్గా 2026-27కు డాన్ఫోస్ ఇండియా ప్రెసిడెంట్ రవిచంద్రన్ పురుషోత్తమన్ ఎన్నికయ్యారు. డిప్యూటీ ఛైర్మన్గా సైయెంట్ ఎగ్జిక్యూటివ్ వైస్ ఛైర్మన్, మేనేజింగ్ డైరెక్టర్ కృష్ణ బొదనపు ఎన్నికయ్యారు. రవిచంద్రన్ నాయకత్వంలో దాదాపు 4,000 మంది ఉద్యోగులు, నాలుగు గ్లోబల్ కాంపిటెన్స్ కేంద్రాలు, ఆరు కర్మాగారాలు ఉన్నాయి.
ప్రభుత్వ రంగంలోని స్టీల్ అథారిటీ ఆఫ్ ఇండియా లిమిటెడ్ (సెయిల్) కొత్త ఛైర్మన్, మేనేజింగ్ డైరెక్టర్ పదవికి అశోక్ కుమార్ పాండాను పబ్లిక్ ఎంటర్ప్రైజెస్ సెలక్షన్ బోర్డు (పీఈఎస్బీ) సిఫారసు చేసింది. ప్రస్తుతం ఆయన సెయిల్లో డైరెక్టర్ (ఫైనాన్స్)గా బాధ్యతలు నిర్వర్తిస్తున్నారు. ప్రస్తుత సీఎండీ అమరేందు ప్రకాశ్ పదవీ కాలం 2026 ఏప్రిల్ 2తో ముగియనుంది. ప్రధాన మంత్రి నేతృత్వంలోని కేబినెట్ నియామకాల కమిటీ ఈ నియామకానికి తుది ఆమోదం తెలపాల్సి ఉంటుంది.
దిల్లీలోని రావు తులారామ్ మెమోరియల్ హాస్పిటల్ (ఆర్టీఆర్ఎంహెచ్), ఒప్పంద ప్రాతిపదికన వివిధ విభాగాల్లో సీనియర్ రెసిడెంట్ పోస్టుల భర్తీకి వాక్-ఇన్-ఇంటర్వ్యూలను నిర్వహిస్తోంది. వివరాలు: సీనియర్ రెసిడెంట్: 19 విభాగాలు: ఓబీజీ, పీడియాట్రిక్స్, మెడిసిన్, అనస్థీషియా, ఆర్థోపెడిక్స్, సర్జరీ, రేడియాలజీ, డెర్మటాలజీ. అర్హత: సంబంధిత విభాగాల్లో గుర్తింపు పొందిన యూనివర్సిటీ నుంచి ఎంబీబీఎస్లో ఉత్తీర్ణుతతో పాటు ఉద్యోగానుభవం ఉండాలి. గరిష్ఠ వయోపరిమితి: 45 ఏళ్ల వరకు ఉండాలి. ప్రభుత్వ నిబంధనల ప్రకారం ఎస్సీ, ఎస్టీ అభ్యర్థులకు 5 ఏళ్లు, ఓబీసీ అభ్యర్థులకు 3 ఏళ్ల వయో సడలింపు ఉంటుంది. ఎంపిక విధానం: ఇంటర్వ్యూ ఆధారంగా అభ్యర్థుల ఎంపిక ఉంటుంది. ఇంటర్వ్యూ తేదీ: 01-04-2026 వేదిక: కాన్ఫరెన్స్ హాల్, అడ్మినిస్ట్రేటివ్ బ్లాక్, మొదటి అంతస్తు, రావు తులారామ్ మెమోరియల్ హాస్పిటల్ (RTRMH), జాఫర్పూర్, దిల్లీ -110073. Website:https://rtrmh.delhi.gov.in/doit-content/vacancy-results
యూనివర్సిటీ ఆఫ్ హైదరాబాద్ (యూఓహెచ్), తాత్కాలిక ప్రాతిపదికన జూనియర్ రిసెర్చ్ ఫెలో పోస్టుల భర్తీకి దరఖాస్తులను కోరుతోంది. వివరాలు: జూనియర్ రిసెర్చ్ ఫెలో అర్హత: సంబంధిత విభాగాల్లో గుర్తింపు పొందిన యూనివర్సిటీ నుంచి ఎమ్మెస్సీలో ఉత్తీర్ణతతో పాటు సీఎస్ఆర్, యూజీసీ నెట్లో అర్హత సాధించి ఉండాలి. గరిష్ఠ వయోపరిమితి: 26 ఏళ్లు మించకూడదు. వేతనం: నెలకు రూ.37,000. దరఖాస్తు విధానం: ఈమెయిల్ ద్వారా alibaao@uohyd.ac.in కు పంపాలి. దరఖాస్తుకు చివరి తేదీ: 11-04-2026 Website:https://uohyd.ac.in/jrf-srf/
భారత ప్రభుత్వ ఎలక్ట్రానిక్స్ అండ్ ఇన్ఫర్మేషన్ టెక్నాలజీ మంత్రిత్వ శాఖ పరిధిలోని నేషనల్ ఇన్ఫర్మేటిక్స్ సెంటర్ (ఎన్ఎల్సీ), డైరెక్ట్ రిక్రూట్మెంట్ ప్రాతిపదికన సైంటిస్ట్-బి (Group-A S&T Gazetted) పోస్టుల భర్తీకి దరఖాస్తులను ఆహ్వానిస్తోంది. మొత్తం పోస్టుల సంఖ్య: 243 వివరాలు: మొత్తం ఖాళీలను మూడు ప్రధాన విభాగాల్లో భర్తీ చేస్తున్నారు. 1. కంప్యూటర్ సైన్సెస్ & ఐటీ: 168 పోస్టులు. 2. ఎలక్ట్రానిక్స్ & కమ్యూనికేషన్: 25 పోస్టులు. 3. డేటా సైన్స్ & ఆర్టిఫిషియల్ ఇంటెలిజెన్స్ (ఏఐ): 50 పోస్టులు. అర్హత: పోస్టులను అనుసరించి సంబంధిత విభాగాల్లో బీఈ, బీటెక్, ఎంఎస్సీ, ఎంసీఏ, ఎంఈ, లేదా ఎంటెక్ ఉత్తీర్ణులై ఉండాలి. ఎంపిక విధానం: అభ్యర్థుల గేట్ (2024/2025/2026) వాలిడ్ స్కోర్ ఆధారంగా షార్ట్లిస్ట్ చేస్తారు. తుది ఎంపికలో గేట్ స్కోర్కు 60 శాతం & పర్సనల్ ఇంటర్వ్యూకు 40 శాతం వెయిటేజీ ఉంటుంది. వయోపరిమితి: 31/03/2026 నాటికి అభ్యర్థుల వయస్సు 30 ఏళ్లకు మించకూడదు (ఎస్సీ/ఎస్టీలకు 5 ఏళ్లు, ఓబీసీలకు 3 ఏళ్లు వయోసడలింపు ఉంటుంది). వేతనం: 7వ సీపీసీ పే లెవల్-10 ప్రకారం రూ. 56,100 నుంచి రూ. 1,77,500 వరకు ఉంటుంది. దరఖాస్తు విధానం: అభ్యర్థులు కేవలం ఆన్లైన్ ద్వారా మాత్రమే దరఖాస్తు చేసుకోవాలి. ఫీజు: సాధారణ & ఓబీసీ అభ్యర్థులకు రూ.800. ఎస్సీ, ఎస్టీ, దివ్యాంగులు & మహిళా అభ్యర్థులకు ఫీజు లేదు. దరఖాస్తు చివరి తేదీ: 24 ఏప్రిల్, 2026 Website:https://recruitment.nic.in/
Rao Tula Ram Memorial Hospital (RTRMH) in Delhi is conducting walk-in interviews to fill Senior Resident posts across various departments on a contractual basis. Details: Senior Resident: 19 Departments: OBG, Pediatrics, Medicine, Anesthesia, Orthopedics, Surgery, Radiology, Dermatology. Eligibility: Candidates must possess an MBBS degree from a recognized university in the relevant discipline, along with relevant work experience. Maximum Age Limit: Up to 45 years. Age relaxation applies as per government norms: 5 years for SC/ST candidates and 3 years for OBC candidates. Selection Process: Selection will be based on an interview. Interview Date: 01-04-2026 Venue: Conference Hall, Administrative Block, 1st Floor, Rao Tula Ram Memorial Hospital (RTRMH), Jaffarpur, Delhi - 110073. Website:https://rtrmh.delhi.gov.in/doit-content/vacancy-results
The University of Hyderabad (UoH), located in Hyderabad, is inviting applications to fill Junior Research Fellow (JRF) posts on a temporary basis. Details: Junior Research Fellow (JRF) Eligibility: Candidates must possess an M.Sc. degree in the relevant discipline from a recognized university and must have qualified in the CSIR or UGC NET examinations. Maximum Age Limit: Must not exceed 26 years. Salary: Rs. 37,000 per month. Application Mode: Applications must be sent via email to alibaao@uohyd.ac.in. Application Deadline: 11-04-2026 Website:https://uohyd.ac.in/jrf-srf/
Your account has been blocked from accessing the discussion forum.If you believe this is a mistake or wish to inquire further,please contact the support team.
Your account has been blocked from accessing doubts.
If you believe this is a mistake or wish to inquire further, please contact the support team.