స్పేడెక్స్‌ ప్రయోగంలో భాగంగా భారత అంతరిక్ష పరిశోధన సంస్థ (ఇస్రో) నింగిలోకి పంపిన రెండు ఉపగ్రహాలు తిరిగి భూవాతావరణంలోకి ప్రవేశించాయి. దీంతో 22 నెలల వీటి ప్రస్థానం ముగిసినట్లయింది. రోదసిలో రెండు వ్యోమనౌకల అనుసంధాన ప్రక్రియపై కసరత్తు కోసం స్పేడెక్స్‌-ఎ, స్పేడెక్స్‌-బి అనే ఈ రెండు ఉపగ్రహాలను 2024 డిసెంబరు 30న ఇస్రో ప్రయోగించింది. ఆ తర్వాత వీటిని రోదసిలో స్వయంప్రతిపత్తి పరిజ్ఞానంతో అనుసంధానం చేసింది. అనంతరం వాటిని విడదీసింది. ఈ ప్రయోగానికి సంబంధించిన అన్ని లక్ష్యాలూ నెరవేరాయని ఇస్రో పేర్కొంది.