Published on Nov 14, 2025
Current Affairs
ఆసియా ఛాంపియన్షిప్
- ఆసియా ఛాంపియన్షిప్లో జ్యోతి సురేఖ పసిడి ‘డబుల్’ సాధించింది. 2025, నవంబరు 13న ఢాకాలో జరిగిన మహిళల కాంపౌండ్ వ్యక్తిగత ఫైనల్లో జ్యోతి 147-145తో మరో భారత ఆర్చర్ ప్రీతిక ప్రదీప్ను ఓడించింది. అంతకుముందు సెమీస్లో జ్యోతి 149-143తో సి యు చెన్ (చైనీస్ తైపీ)పై నెగ్గింది. మహిళల టీమ్ తుదిపోరులో జ్యోతి, దీప్షిక, ప్రీతికలతో కూడిన భారత బృందం 236-234తో కొరియా (పార్క్ యెరిన్, యా హుయున్, జంగ్యూన్)ను ఓడించింది.
- జ్యోతి ఇప్పటిదాకా 90 అంతర్జాతీయ పతకాలు గెలిచింది. ఇందులో 33 స్వర్ణాలు, 33 రజతాలు, 24 కాంస్యాలు ఉన్నాయి. ఆసియా ఛాంపియన్షిప్లో గెలిచిన వ్యక్తిగత పసిడి ఆమె కెరీర్లో 90వ పతకం.