Published on Nov 26, 2025
Current Affairs
‘అక్షర ఆంధ్ర’
- ఆంధ్రప్రదేశ్‌లో 2029 నాటికి వందశాతం అక్షరాస్యత సాధించేందుకు ప్రభుత్వం ‘అక్షర ఆంధ్ర’ కార్యక్రమాన్ని చేపట్టింది. ఈ మేరకు పాఠశాల విద్యాశాఖ కార్యదర్శి కోన శశిధర్‌ ఉత్తర్వులు జారీ చేశారు. 2024 ఫిబ్రవరిలో గ్రామ, వార్డు సచివాలయాల సిబ్బంది నిర్వహించిన సర్వే ప్రకారం రాష్ట్రంలో 15-59 ఏళ్ల మధ్య నిరక్షరాస్యులు 81 లక్షల మంది ఉన్నారు. 2024-25లో నిర్వహించిన అక్షరాస్యత కార్యక్రమంలో 3.53 లక్షల మందిని అక్షరాస్యులుగా తీర్చిదిద్దారు.
- మిగిలిన వారిని విడతల వారీగా అక్షరాస్యులుగా మార్చేందుకు కేంద్ర ప్రభుత్వం అమలు చేస్తున్న ‘ఉల్లాస్‌’ కార్యక్రమం కింద అక్షర ఆంధ్ర అమలు చేయనున్నారు.